بەراورد بە دوێنێ نرخی نەوتی خاو بەرزبوونەوەیەکی
بەرچاوی بەخۆیەوە بینی و یەک بەرمیلی نەوتەکەش بە ٨٤ دۆلار و ٣٢ سەنت مامەڵە پێوەی
دەکرێت.
ئەمڕۆ پێنجشەممە ١٣ی کانوونی دووەم، میدیکانی تایبەت بە
نرخی نەوت بڵاویانکردەوە:" نرخی نەوەتی خاوی برێنت لەبازاڕەکانی جیهاندا رووی
لەبەرزبوونەوەیەکی بەرچاو کردووە و یەک بەرمیلی نەوتەکەش بە ٨٤ دۆلار و ٣٢ سەنت مامەڵەی
پێوەدەکرێت".
نرخی نەوتی خاوی ئەمەریکییش بەرزبووەتەوە
ئەوەشیان خستووەتەڕوو:" نرخی نەوتی خاوی ئەمەریکی (رۆژهەڵاتی تەکساس)یش بەرزبووەتەوە و یەک بەرمیلی نەوتەکە بە ٨٢ دۆلار و ٣١ سەنت
مامەڵەی پێوەدەکرێت".
ئەمەس دوای ئەوەدێت، لە ماوەی رابردوودا بەهۆی هاتنی
شەپۆلی ڤایرۆسی کۆرۆناوە نرخی نەوتی خاو بەشێوەیەکی چاوەڕوانەکراو رووی
لەدابەزینکرد و لە بازاڕەکاندا خواستی لەسەر نەما، بەڵام پاش بڵاووبوونەوەی
ڤاکسینی دژ بە ڤایرۆسەکە دووبارە نرخی نەوتی خاو لە بازاڕەکانی جیهاندا بەرزبووە و
لەو کاتەشەوە نرخەکەی بەردەوامە لە بەرزبوونەوە.