وشک بوونی پێست حاڵەتێکە ڕوو دەدات کاتێک پێست بڕێکی زۆر لە ئاو و چەوری لەدەست دەدات.، یاخود  بەهۆی نزمبوونەوەی پلەکانی گەرماوە بە تایبەتی لە وەرزی زستاندا پێستی مرۆڤ بە رێژەیەکەی بەرچاو تووشی قلیشانەوە و لە دەستدانی شێدارییەکەی دەبێتەوە، لەم بارەیەشەوە د. گەشبین کەمال دکتۆری نەخۆشییەکانی پێست، چەند رێنماییەکەی بڵاوکردووەتەوە بۆ پاراستنی پێست لە وشکبوونەوە، کە ئەوانیش بریتیین لەمانە :

1- سابون دەمووچاو وشک دەکاتەوە، دەتوانن ئەو پاککەرەوە شلانە بەکاربھێنن کە خاڵییە لە بۆن
2- شێدارکردنی پێستتان لە رێگەی کرێمی تایبەتەوە، تایبەت دەستەکان و ناوچەوان و سەر رومەتەکان
3- کەمکردنەوەی بەکارھێنانی بەرھەمەکانی ئەلکھولی تێدایە، بۆ ئەوەی پێستتان وشک نەکاتەوە
4- لێوەکانتان بەردەوام چەور بکەن، چونکە تەڕی لێو لە رێگەی زمانەوە و پاشان بەرکەوتنی ھەوای سارد دەبێتە ھۆکاری قڵیشانی لێوتان
5- خواردنی ئەو خۆراکانەی پێستت دەپارێزێت لە وشکبوون، وەک رۆنی ماسی و رۆنی تۆی کەتان و ئەوانەی ئۆمێگا ٣ و  ئۆمیگا ٦ی تێدایە
6- ئاو خواردنەوە بە رێژەیەکی زۆر، وا دەکات پێست وشک نەبێتەوە و ھەمیشە تەڕ دەرکەوێت
7-کەمکردنەوەی بەکارھێنانی ئاوی گەرم، چونکە کاتێک ئاوی گەرم بەکاردەھێنیت بۆ ماوەیەکی زۆر و دواتر دەرەوە ساردبێت، پێست سوردەبێتەوە و دەخورێت