ماڵپەڕێکی ئیسپانی ئاماژەی بەوەکرد، لەکاتی بەشداریکردنی لە یاری نێوان هەردوو ریاڵ مەدرید و ئێڵچی ئیسپانی، دزی لە ماڵی کەریم بنزیما یاریزانی ریاڵ مەدرید کرا.

ئەمڕۆ دووشەممە، ٢٤ی کانوونی دووەم، ماڵپەڕی "MINUTES 20" بڵاویکردووەتەوە:" ژمارەیەک دز سەرقاڵبوونی کەریم بنزیما، یاریزانی ریاڵ مەدریدیان بە یاریکردن لەگەڵ یانەی ئێلچی قۆستەوە و هەڵیانکوتایەسەر ماڵەکەی و دزییان لێکرد ".

ئەوەشی خستووەتەڕوو:" دزەکان لە رێگەی باخچەی ماڵەکەیەوە چوونە ژوورەوە و دزییان لێکرد، کە دەکەوێتە ناوچەی سان سباستیان دی لۆس رییس لە ئیسپانیا ".

یارییەکەی دوێنێی نێوان ریاڵ مەدرید و ئێلچی بە دوو گۆڵ بۆ هەردوولا بە یەکسانی کۆتاییهات، کە تێیدا کەریم بنزیما لێدانێکی سزای فەوتاند و نەیتوانی سەرکەوتن بۆ یانەکەی مسۆگەر بکات.

🚨🚨 BREAKING: Karim Benzema’s house was robbed during the match against Elche today. The house was empty. Details of the robbers or the items stolen are unknown. @20m #rmlive 🏡 pic.twitter.com/c3OSJSTks1

— Los Blancos Live (@LosBlancos_Live) January 23, 2022