لە درێژەی هاوکارییەکانی بافڵ جەلال تاڵەبانی بۆ
خوێندکارانی بەشە ناوخۆییەکان، ئەمڕۆ کاروانێکی دیکەی هاوکارییەکانی گەیشتە بەشە
ناوخۆییەکانی کوڕان و کچانی کۆلێژی پەروەردەی سەیدسادق.
ئەمڕۆ دووشەممە ٢٤ی کانوونی دووەم، ئەرکان حەمزە نوێنەری
گشتی خوێندکارانی کۆلێجی زانستە مرۆڤایەتییەکان لە قەزای سەیدسادق، بە میدیای
فەرمی یەکێتی راگەیاند:" ئەمڕۆ بەبڕیاری بافڵ جەلال تاڵەبانی کاروانێکی
هاوکاریی گەیەندرایە بەشە ناوخۆییەکانی کوڕان و کچانی کۆلێژی پەروەردەی سەیدسادق،
کە پێکهاتبوو لە (١٠ جل شۆر، ١٢ ئوتوی جل، ١٢ موبەریدە، ١٠ تەباخ، ١٠ بتڵ غاز، ١٠
گسکی کارەبا) و چەند پێداویستییەکی دیکەش کە توانیمان کەم و کوڕییەکانی بەشەکەمانی پێ پڕبکەینەوە".
لەبارەی بەردەوامبوونی هاوکارییەکانەوە لە داهاتوودا باسی لەوەشکرد:"بەڵێنیان پێداوین لە داهاتوودا هاوکاریی دیکە رەوانەی
بەشە ناوخۆییەکەمان بکەن".
خوێندکارانی بەشە ناوخۆییەکان دەستخۆشی لە بافڵ جەلال تاڵەبانی دەکەن
ئاماژەی بەوەشکرد:" دەستخۆشی لە کاک بافڵ جەلال
تاڵەبانی دەکەین بۆ دابینکردنی ئەم پێداویستییانە بۆ بەشە ناخۆییەکان و
هیواداریشین لە داهاتوودا کاروانی هاوکاری دیکە رەوانەی بەشە ناوخۆییەکانمان
بکرێت".