بەیانی ئەمڕۆ، مەسرور بارزانی، سەرۆکی حکومەتی هەرێمی کوردستان بەرەو میرنشینی یەکگرتووی ئیماڕات بەڕێکەوت.
بەیانی ئەمڕۆ سێشەممە ٢٥ی کانوونی دووەم، حکومەتی هەرێمی کوردستان رایگەیاند:" ئەمڕۆ مەسرور بارزانی سەرۆکی حکومەتی هەرێمی کوردستان لە سەردانێکی فەرمیدا بەرەو ئیماڕات بەڕێکەوت، کە وا بڕیارە لەو میانەدا لەگەڵ شێخ محەممەد بن زاید ئال نەهیان جێنشینی ئەبوزەبی و چەند بەرپرسێکی دیکەی ئیماڕاتدا کۆببێتەوە".
لەبارەی پەیوەندییەکانی نێوان هەرێمی کوردستان و ئیماڕات دەدوێن
لەبارەی کۆبوونەوەکان، ئاماژە بەوەدراوە:" گفتوگۆ دەربارەی گۆڕانکاری و پەرەسەندنەکانی عێراق و ناوچەکە و دەرفەتەکانی پەرەپێدانی پەیوەندییەکانی نێوان عێراق و هەرێمی کوردستان لە ئیمارات و پتەوکردنی میکانیزمەکانی هەماهەنگیی و هاریکاری لە بوارە جۆراوجۆرەکاندا دەکرێت".