دەستەی کەشناسی عێراق رایگەیاند، هەفتەی
داهاتوو شەپۆلێکی دیکەی خۆڵبارین روودەکاتە عێراق و هەرێمی کوردستان.
دەستەی کەشناسی عێراق لە بڵاوکراوەیەکدا
رایگەیاند:" پێشبینی هەفتەی داهاتوو شەپۆلێکی دیکەی خۆڵبارینی چڕ روو لە
عێراق بکات و بەشێکی زۆری ناوچە جیاوازەکانی هەرێمی کوردستانیش بگرێتەوە".
شایەنی باسە ماوەی چەند رۆژێکە شەپۆلێکی
خۆڵبارینی چڕ روویکردووەتە عێراق و هەرێمی کوردستان، بەوهۆیەشەوە چەند جارێک گەشتی
فڕۆکەخانە نێودەوڵەتییەکان لە ناوچە جیاوازەکان راگیران.
پێشبینیش دەکرێت تاوەکو کۆتاییهاتنی وەرزی هاوینی ئەمساڵ، مانگانە چەندیدنجار شەپۆلی خۆڵبارین روو لە عێراق و هەرێمی کوردستان بکات
شایەنی باسە هەفتەی رابردووش شەپۆلێکی دیکەی
خۆڵبارین رووی لە ناوچەکە کرد و بەهۆشییەوە سەدان کەس روویان لە نەخۆشخانەکان
کردبوو، پێشبینیش دەکرێت تاوەکو کۆتاییهاتنی وەرزی هاوینی ئەمساڵ، مانگانە چەندیدنجار
شەپۆلی خۆڵبارین روو لە عێراق و هەرێمی کوردستان بکات.