بەهۆی مەترسییەکانی بڵابوونەوەی تای خوێنبەربوون و هەبوونی ژمارەیەکی زۆر
ئاژەڵ و پیشەوەر لە پارێزگای هەڵەبجە کە
کاری ئاژەڵداری و گۆشتفرۆشی دەکەن، ژوورێکی نەشتەرگەری هاوبەش بۆ رووبەڕووبونەوەی
ئەو نەخۆشییە لەو پارێزگایە پێکهێنراو جلوبەرگیش بۆ ئاژەڵکدارەکان دابینکرا.
ژوورەکە بە ئامانجی رێگریکردن لە بڵابوونەوەی هەر حاڵەتێکی تای
خوێنبەربوونی ڤایرۆسی و بڵاوکردنەوەی هۆشیاری پێویست بۆ پیشەوەرانەی کاری
ئاژەڵداری دەکەن، لەسەر پێشنیاری بەڕێوەبەرایەتی گشتی تەندروستی هەڵەبجە
دروستکراوە و لەیەکەم هەنگاویشیدا هۆشداری دەداتە ئەو کەسانەی رۆژانە بەرکەوتنیان
لەگەڵ ئاژەڵ و گۆشتی ئاژەڵدا هەیە.
لەوبارەیەشەوە، د.ئازاد مستەفا بەڕێوەبەری گشتی تەندروستی هەڵەبجە بە دەنگی
ئەمەریکای راگەیاندووە:" سەرجەم گۆشتفرۆش و کرێکاری کوشتارگەکانیان
کۆکردووەتەوە و تای خوێنبەربوونیان بۆ روونکردوونەتەوە، لەگەڵ ئەوەشدا جلوبەرگی و
دەستکێشی تایبەتیان بەسەردا دابەشکراوە".
هەر گۆشتفرۆشێک پابەندی رێنماییەکان نەبێت سزا دەدرێت
ئەوەشیخستەڕوو:" هەر گۆشتفرۆشێک پابەندی رێنماییەکان نەبێت رێککاری
یاسایی بەرامبەر دەگیرێتەبەر".