کۆسرەت رەسول عەلی رایگەیاند، هونەرمەند
محەمەد ئەحمەد ئەربیللی لە رێگەی گۆرانییەکانییەوە خزمەتێکی بەرچاوی رەسەنایەتی و
کلتووری هەولێری کرد.
کۆسرەت رەسول عەلی، سەرۆکی ئەنجومەنی باڵای
سیاسی و بەرژەوەندییەکانی یەکێتی لە پرسەنامەیەکیدا باسی لەوەکردووە:" هونەرمەند
محەمەد ئەحمەد ئەربیللی هەموو تەمەنی خۆی تەرخانکرد بۆ خزمەتی هونەری کوردی و لە
رێگەی گۆرانییەکانی خزمەتێکی بەرچاوی رەسەنایەتی و کلتووری هەولێری کرد،
بەرهەمەکانی بۆ هەمیشە لە گوێمان دەزرنگێنەوە ".
ئەوەشی خستووەتەڕوو:" بۆ ئەم
کۆستە و لەدەستدانی ئەم هونەرمەندە گەورەیە، پرسەو سەرەخۆشی لەخۆمان و خانەوادەی
هونەرمەند و هاوڕێیانی دەکەم، داواکارم لە خوای مەزن سەبووریمان بدات و هونەرمەندی
کۆچکردووش جێگای بەهەشتی بەرین بێت ".