سلێمانی.. بازرگانێکی ماددەی هۆشبەر دەستگیرکرا

کوردستان 7 رۆژ پێش ئێستا

Alternate Text

بەڕێوەبەرایەتی ئاسایشی پارێزگای سلێمانی دەستگیرکردنی بازرگانێکی ماددەی هۆشبەری راگەیاند و دەستیشیانگرت بەسەر بڕی ٣٢ کیلۆ ماددەی هۆشبەردا لە جۆری کریستاڵ.

 بەڕێوەبەرایەتی ئاسایشی پارێزگای سلێمانی لە راگەیەندراوێکدا ئاماژەی بەوەکرد:" لە درێژەی ھەڵمەتەکانی بەگژداچوونەوەی بازرگانیکردن و بەکارھێنانی ماددەی ھۆشبەر، ھێزەکانی بەڕێوەبەرایەتی ئاسایشی پارێزگای سلێمانی ، لەسەر راسپاردە و رێنماییەکانی سەرۆکی دەزگای ئاسایشی ھەرێم و بە فەرمانی دادوەر، شەوی رابردوو چوارشەممە لەسەر رێگەی سەرەکی نزیک ( گەڕەکی تاسڵوجە )ی شاری سلێمانی، پاش کۆکردنەوەی زانیاری و چاودێریکردنی وورد، رووبەڕووبوونەوەی ھێزەکانی ئاسایش لەگەڵ تۆمەتبار و دروستبوونی تەقە ، توانیان بازرگانێکی ماددەی ھۆشبەر بەناوی (  ھ، ر، ب )  دەستگیربکەن".

دەستگیراوە بەسەر بڕی ٣٢ کیلۆ ماددەی هۆشبەردا

ئەوەشی خستەڕوو:" لەکاتی دەستگیرکردنی تۆمەتبارەکەدا توانراوە دەستبگیرێت، بەسەر بڕی ( ٣٢ ) کیلۆ ماددەی ھۆشبەر لە جۆری کریستاڵ ، کە تۆمەتبار لەدەرەوەی ھەرێمی کوردستان ھێنابوویە ناو شاری سلێمانی پلانی هەبووە بیباتە شاری ھەولێر، بەڵام پێش بەئامانج گەیاندنی کارەکەی ، دەستگیرکرا، لە ئێستاشدا تۆمەتبار بەپێی ماددەی ( ٢٥ ) لە یاسای ماددە ھۆشبەرەکان راگیراوە".
راشیگەیاند:" داوای لێبوردن لە ھاوڵاتییانی شاری سلێمانی بەگشتی و ھاوڵاتیانی ( گەڕەکی تاسڵوجە ) بەتایبەتی دەکەین، کە لەکاتی دەستگیرکردنی تۆمەتبارەکەدا، بۆماوەیەکی کاتی تەقە دروست بووە".

ھەمیشە ھەوڵەکانمان بۆ سەقامگیری و ئاسایش و ئارامی بەردەوامە 

لە راگەیەندراوەکەدا جەختیشیکردەوە:"ھەموو لایەک ئاگاداردەکەینەوە کە ئێمە وەک ئاسایش ھەمیشە ھەوڵەکانمان بۆ سەقامگیری و ئاسایش و ئارامی بەردەوامە ، گەرچی ھەندێکجار دۆخەکە وادەخوازێ کە تەقە دروستببێت".

ئه‌مانه‌ش ببینه

‌‌مەڵتیمیدیا