بە گوێرەی خشتەی راگەیەندراوی دابەشکردنی مووچەی، رۆژی پێنجشەممە ٣٠ی حوزەیران دەستبەدابەشکردنی مووچە دەکرێت.
وەزارەتی دارایی و ئابوری حکومەتی هەرێمی کوردستان خشتەی دابەشکردنی مووچەی ئەم مانگەی فەرمانبەرانی هەرێمی کوردستانی بڵاوکردەوە و وابڕیارە لە ماوەی هەفتەیەکدا مووچەی سەرجەم وەزارەت و فەرمانگەکان دابەشبکرێت.
بە گوێرەی خشتەکە، رۆژی پێنجشەممە ٣٠ی حوزەیران، دابەشکردنی مووچە بە وەزارەتی تەندروستی و وەزارەتی پێشمەرگە بە هەردوو هێزەکانی ٧٠ و ٨٠ دەستپێدەکات، دواین شوێنیش کە مووچەکانیان وەردەگرن سەرۆکایەتی ئەنجومەنی وەزیران دەبێت لە ٧ی تەمووزدا.