ڤیدیۆ.. چین ئایسکرێمێکی بەرهەمهێنا کە ناتوێتەوە

هەمەرەنگ پێش 3 هەفتە

Alternate Text

کۆمپانیایەکی چینی ئایسکرێمێکی خستە بازاڕەکانەوە کە ناتوێتەوە و ئەمەش هاوڵاتییانی لە خواردنی دوودڵ کردووە.
لەگەڵ بەرزبوونەوەی پلەکانی گەرما، کۆمپانیای چایسکرێمی چینی جۆرە ئایسکرێمێکی خستە بازاڕەکانەوە کە پلەکانی گەرما کاریگەری کەمیان لەسەری دەبێت و بە ئەستەم دەتوێتەوە.
هاوکات لە تۆڕەکۆەمەڵایەتییەکان ژمارەیەک گرتەڤیدیۆ لەلایەن هاوڵاتییانی چینەوە بڵاوکراوەتەوە، کە تیایدا ئایسکرێمەکە دەخرێتە بەر ئاگر، بەڵام هێشتا ناتوێتەوە، ئەمەش کاردانەوەیەکی زۆری لێکەوتەوە و بەشێکی زۆری دانیشتووانی ئەو وڵاتە نیگەرانی و دوودڵی خۆیان لە پێکهاتەکانی ناو ئایسکرێمەکە دەربڕی.

رێگەیەکی زانستی نییە بۆ دیاریکردنی کوالێتی بەرهەمەکەمان

لە هەمانکاتدا دوای دروستبوونی دەنگۆکان، کۆمپانیای ناوبراو لە تۆڕی کۆمەڵایەتی ویبۆ لە بڵاوکراوەیەکدا روونکردنەوەیدا ئاماژەی بەوەکرد:" گەرمکردن لە رێگەی ئاگرەوە رێگەیەکی زانستی نییە بۆ دیاریکردنی کوالێتی بەرهەمەکەمان".

ئەو ماددە پارێزەرانە لەگەڵ ئەو ماددانەی دیکەی لەناو پێکهاتەی ئایسکرێمەکەدان سەلامەتن و پەسەندکراون

وانگ سیلۆش سەرۆکی پشکنینی نیشتمانی خۆراکی چین رایگەیاند:" پشکنین بۆ ئایسکرێمە نوێیەکە کراوە و سەرجەم ئەو ماددە پارێزەرانە لەگەڵ ئەو ماددانەی دیکەی لەناو پێکهاتەی ئایسکرێمەکەدان سەلامەتن و پەسەندکراون".
شایەنی باسە بە گوێرەی زانیارییەکان، ئایسکرێمە نوێیەکەی چین بەراورد بەوانی دیکە نرخیان گرانترە، بەشێوەیەک نرخی هەندێکیان دەگاتە ١٠ دۆلار.

ئه‌مانه‌ش ببینه

‌‌مەڵتیمیدیا