یەکەم دەوڵەت ئیدانەی سەردانەکەی پێلۆسی بۆ تایوان کرد

جیهان 7 رۆژ پێش ئێستا

Alternate Text

وەزارەتی دەرەوەی ئێرانه بە توندی ئیدانەی سەردانەکەی سەرۆکی پەرلەمانی ئەمەریکای بۆ تایوان کرد.
ناسڕ کەنعانی وتەبێژی وەزارەتی دەرەوەی ئێران رایگەیاند:" ئیدانەی سەردانی سەرۆکی پەرلەمانی ئەمەریکا بۆ تایوان دەکەین، ئەو کارەی ئەمەریکا ئەنجامیداوە دەستێوەردان بووە لە کاری ناوجۆیی چین و پێشێلکردنی خاکەکەی".
ئاماژەی بەوەشکرد:" ئێرانرێز لە یەکپارچەیی خاکی وڵاتانی دیکە دەگرێت و پشتگیریکردنی چین لەم هەلومەرجەدا جێگەی پرسیار نییە، ئەوەی ئەمەریکا کردی نموونەیەکە لە دەستێوەردانی ئەو وڵاتە لە وڵاتەکانی دیکەدا".
وتیشی:" سەردانی سەرۆکی پەرلەمانی ئەمەریکا بۆ تایوان جگە لە زیادکردنی ناسەقامگیری و قوڵکردنەوەی زیاتری کێشە و ناکۆکییەکان هیچ ئامانج و سوودێکی دیکەی نییە هەر بۆیەش ئیدانەی دەکەین".
شایەنی باسە سەرەڕای ئەوەی چەندینجار چین هۆشداری دا لەوەی نابێت هیچ بەرپرسێکی ئەمەریکی سەردانی تایوان بکەن و باسلەوەشدەکرا، لە ئەگەری سەردانەکەیدا چین جوڵەی سەربازی دەستپێدەکات، بەڵام ئەمڕۆ سێشەممە نێنسی پێلۆسی سەرۆکی پەرلەمانی ئەمەریکا لە رێگەی فڕۆکەخانەی پایتەختی تایوانەوە گەیشتە ئەو وڵاتە.

ئه‌مانه‌ش ببینه

‌‌مەڵتیمیدیا