"بۆنی تەرمە نەدۆزراوەکان تەواوی ئەو ناوچەیەی گرتبووەوە کە لافاو روویتێکردبوو"

جیهان 6 رۆژ پێش ئێستا

Alternate Text

رۆژنامەیەکی ئێرانی ئاشکرایکرد، لە یەکێک گوندەکانی ئێران پاش چەند رۆژێک لە دروستبوونی لافاو، بۆنی ئەو تەرمانەی کە نەدۆزرابوونەوە تەواوی ناوچەکەی گرتبووەوە.
رەزا حاج مەنوچەهری جێگری رێکخراوی پزیشکی دادی ئێران رایگەیاند:" تاوەکو ئێستا ٩٥ تەرم رەوانەی پزیشکی داد کراون کە بەهۆی لافاوەوە گیانیان لەدەستداوە و ناسنامەکانیان دیار نییە".
ئاماژەی بەوەشکرد:" لەو ژمارە تەرمەی رەوانەی پزیشکی داد کراون، ٥١ تەرمیان پیوان و ٤٤یشیان ئافرەتن، زۆرترین قوربانیش لە سنووری تاران بووە کە بریتییە لە ٤٠ قوربانی".
هاوکات رۆژنامەی شەرق بڵاویکردووەتەوە:" لە گوندی ئیمام زادە داود، پێنج رۆژ پاش دروستبوونی لافاوەکە بۆنی ئەو تەرمانەی کە بەهۆی لافاوەکەوە گیانیان لەدەستدابوو و هێشتا نەدۆزرابوونەوە تەواوی ناوچەکەی گرتبووەوە".

ئه‌مانه‌ش ببینه

‌‌مەڵتیمیدیا