بەهۆی بەکارهێنانی دەرزییەوە "هاڵک"ی بەڕازیل گیانیلەدەستدا

هەمەرەنگ 5 رۆژ پێش ئێستا

Alternate Text

بەهۆی زۆری بەکارهێنانی دەرزییەوە یاریزانێکی لەشجوانی بەڕازیل کە بە هاڵک ناسرابوو، گیانیلەدەستدا.
ماڵپەری سکای نیوز بڵاویکردەوە:" ڤاڵدیر سێگاتۆی بەڕازیلی و یاریزانی یاری لەشجوانی، کە بەهۆی بەهێزی جەستەیی و گەورەیی ماسولکەکانییەوە بە هاڵک ناسراوبوو، بەهۆی زۆری بەکارهێنانی دەرزی لەشجوانییەوە لە تەمەنی ٥٥ ساڵیدا گیانیلەدەستدا".
ئاماژەی بەوەشکرد:" بەگوێرەی زانیارییەکان، ناوبراو بڕێکی زۆر لە دەرزی سینسۆلی لە خۆی داوە، ئەو لە چاوپێکەوتنێکدا باسیلەوەکردبوو، جەستەی دوو هێندەی جاران گەورە بووە و بەوهۆیەشەوە خەڵکی بە هاڵک بانگی دەکەن، بەڵام هێشتا دەیەوێت زیاتر گەورە ببێت".
ئەوەشیخستەڕوو:" لە ئەمساڵدا پزیشکەکان هۆشدارییانداوە بە سێگاتۆ لە بەکارهێنانی دەرزی ناوبراو، چونکە دەبێتە هۆی گەشەکردنی لە رادەبەدەری ماسولکەکان و دوور نییە ببێتە هۆی بچڕانی دەمارەکانی، بەڵام ئەو رەتیکردووەتەوە دەستلە بەکارهێنانی ئەو دەرزییە هەڵبگرێت".
سکای نیوز روونیشیکردەوە:" لە رۆژی گیانلەدەستدانەکەیدا سێگاتۆ چووەتە لای یەکێک لە دراوسێکانی و پێی راگەیاندووە کە هەست بە تەنگە نەفەسی دەکات و پاشان لە هۆش خۆی چووە، پاشان گوازراوەتەوە بۆ نەخۆشخانە، بەڵام لە رێگادا بەرەو نەخۆشخانە گیانیلەدەستداوە".

ئه‌مانه‌ش ببینه

‌‌مەڵتیمیدیا