بەڕێوەبەرایەتی گشتی کەشناسی و بومەلەرزەزانی
هەرێم پێشبینییەکانی بۆ کەشوهەوای ئەمڕۆ و سبەی شارەکان بڵاوکردەوە.
بەڕێوەبەرایەتی گشتی کەشناسی و بومەلەرزەزانی
هەرێم رایگەیاند:" ئەمڕۆ پێنجشەممە، ئاسمان بە گشتی ساماڵ دەبێت و خێرایی با
لەنێوان ١٠ بۆ ٢٠ کیلۆمەتر لە کاتژمێرێکدا دەبێت، هەروەها ئاڕاستەکەشی رووەو
خۆرهەڵات دەبێت".
ئاماژەی بەوەشکرد:" سبەی هەینی، ئاسمان
ساماڵ و پەڵە هەور دەبێت، لە ئەنجامی زیادبوونی خێرایی با کە دەبێتە هۆی بەرزبوونەوەی
تۆزێکی سووک، کاریگەری لەسەر ناوچەکانی باشووری هەرێم دەبێت".
باسیلەوەشکرد:" هاوکات پلەکانی گەرما بە
رێژەی یەک پلە بەرزدەبنەوە بەراورد بە تۆمارکراوەکانی رۆژانی پێشوو، خێرایی با لەنێوان ١٥ بۆ ٢٥ کیلۆمەتر لە
کاتژمێرێکدا دەبێت".
بەڕێوەبەرایەتی گشتی کەشناسی و بومەلەرزەزانی
ئەوەشیخستەڕوو:" بەرزترین پلەکانی گەرمای شارەکان سبەی بەمشێوەیە دەبێت:
هەولێر : 45
سلێمانی : 44
دهۆک : 44
کەرکوک : 48
هەڵەبجە : 46
سۆران : 43
راپەرین : 45
گەرمیان: 50