وەزارەتی شارەوانی و گەشتوگوزار رایگەیاند،
زیاتر لە ٢٦٠ ملیۆن دینار بۆ دروستکردنی شەقامی سەرەکیی لە کەلار خەرجکرا.
وەزارەتی شارەوانی و گەشتوگوزار لە
بڵاوکراوەیەکدا رایگەیاند:" بە مەبەستی دروستکردنی شەقامی سەرەکیی گەڕەکی
جوتیاران و رێکخستنەوە شەقامی بەردەم نەخۆشخانەی گشتی کەلار، وەزارەتی شارەوانی و
گەشتوگوزار بڕیاریدا بە خەرجکردنی گوژمەی ٢٦٢ ملیۆن و ٧٥ هەزار دینار".
ئاماژەی بەوەشکرد:" گوژمەی ئاماژەپێکراو
لەسەر رێژەی ٪١١ی فرۆشتنی زەویی روکنی شارەوانی لەسەر پلانی ساڵی ٢٠٢٢ بەپێی
رێنماییەکانی دارایی تایبەت بە داهات خەرج دەکرێت".
باسیلەوەشکرد:" لەو بڕە پارەیەی ئاماژەی
پێکراوە، ١٦٢ ملیۆن و ٢٥٠ هەزار دینار بۆ دروستکردنی بەشێک لە شەقامی سەرەکیی
جوتیاران و گوژمەی ٩٩ ملیۆن و ٨٢٥ هەزار دیناریشی بۆ رێکخستنەوەی شەقامی بەردەم
نەخۆشخانەی گشتی کەلار خەرجدەکرێت".