پارێزگای هەولێر رایگەیاند، ١٦ بەنزینخانەن
بەهۆی دەستکاریکردنی کوالێتی بەنزینەوە لە سنووری پارێزگاکە سزادراون.
پارێزگای هەولێر لە بڵاوکراوەیەکدا
رایگەیاند:" لهبهرامبهر
دەستکاریکردنى كوالێتی بهنزین و بەهۆی خراپی ئەو بەنزینەی دەیفرۆشن بەهاووڵاتیان،
١٦ بەنزینخانە لە سنووری هەولێر و دەوروبەری لەلایەن لیژنەی پشکنین و چاودێریکردنی
بەنزینخانەکانی سەر بە بەڕێوەبەرایەتی نەت و کانزاکانی هەولێر سزادراون و رێککاری
یاساییش بەرامبەر خاوەنەکانیان گیراوەتەبەر".
ئاماژەی بەوەشکرد:" تیمەکانی لیژنەی پشکنین و چاودێریکردنی
بەنزینخانەکان راسپێردراون، جگە لە توندکردنی رێککارەکان بەرامبەر سەرپێچیکاران،
پشکنینی بەنزینخانەکان چڕتربکەنەوە بەرامبەر ئەو بەنزینخانانەی دەستکاری کوالێتی
بەنزین دەکەن و بەنزینی خراپ بە هاوڵاتییان دەفرۆشن".
باسیلەوەشکرد:" لە سەرەتای مانگی حوزەیرانی ئەمساڵەوە تاوەکو
ئێستا کۆی گشتی ئەو بەنزینخانانەی سزادراون ١٨٨ بەنزیخانەن".