پۆلیسی هەولێر: ئەو دوو کەسەی خۆیان بە دژەتیرۆر دەناساند دەستگیرکران

کوردستان 5 رۆژ پێش ئێستا

Alternate Text

وتەبێژی پۆلیسی هەولێر رایگەیاند، دوو تۆمەتبارییان دەستگیرکرد کە هەڕەشەیان لە هاوڵاتییان دەکرد و خۆیان بە هێزی دژە تیرۆر دەناساند و دەیانویست بە زۆر پارە لە ئافرەتێک وەربگرن .

هۆگر عەزیز، وتەبێژی پۆلیسی هەولێر لە کۆنگرەیەکی رۆژنامەوانیدا ئاماژەی بەوەکردووە:" دوو تۆمەتبار دەستگیرکراون کە یەکێکیان ژمارەیەکی لە ڤایبەر بە ناوی هێزی دژەتیرۆرەوە داناوە و داوای بڕێک پارەی لە ئافرەتێک کردووە، دوای ئەوەی ئافرەتەکە لە پۆلیس سکاڵای تۆمارکردووە، هێزەکانی پۆلیس لە بۆسەیەکدا توانیویانە دەستگیری بکەن ".

ئەوەشی خستووەتەڕوو": ئەو تۆمەتبارە لە رێگەی تۆڕە کۆمەڵایەتییەکانەوە کەسێکی دیکەی لە هەولێر ناسیوە، کە هاوکاریکردووە بە دابینکردنی ماتۆڕسکیل و پێداویستیەکان بۆ ئەنجامدانی تاوانەکانیان ".

روونیشیکردووەتەوە:" هەردوو تۆمەتبارەکە بەپێی ماددەی ٢ی خراپ بەکارهێنانی مۆبایل و ماددەی ٤٢١ی یاسای سزادانی عێراقی دەستبەسەرکراون ".

ئه‌مانه‌ش ببینه

‌‌مەڵتیمیدیا