لایەنگرانی چوارچێوەی هەماهەنگی لە ناوچەی جادریەی بەغدا مانگرتنیان راگەیاندووە و چوارچێوەی هەماهەنگیش راگەیەندراوێکی بڵاوکردەوە.
بەگوێرەی زانیارییەکان، لایەنگرانی چوارچێوەی
هەماهەنگی لە ناوچەی جادریەی بەغدا مانگرتنیان راگەیاندووە، هاوکات چوارچێوەی
هەماهەنگی لە راگایەندراوێکدا ئاماژەی بەوەکرد:" داوا دەکەین پەلە بکرێت لە
پێکهێنانی حکومەتێکی نیشتمانی کە تەواوی دەسەڵاتەکانی بەدەستبێت".
باسیلەوەشکرد:" داواش لە هێزە سیاسییەکان بە تایبەتی لایەنە
کوردییەکان دەکەین، پلە بکەن لە یەکلاییکردنەوەی کاندیدی سەرۆککۆمار و فراکسیۆنی
پەرلەمانیش بە مەبەستی هەڵبژاردنی سەرۆک وەزیران رابسپێردرێت".
ئەوەشیخستەڕوو:" پشتیوانی تەواوی خۆمان
بۆ دەساڵەتی دادوەری رادەگەیەنین و هەموو جۆرە دەستدرێژییەک بۆسەر دامەزراوە
حکومییەکان رەتدەکەینەوە، چونکە دامەزراوەکان پایەی سەرەکی بنیاتنانی
عێراقن".
چوارچێوەی هەماهەنگی ئاشکراشیکرد:" داوا
لە سەرۆکی پەرلەمان دەکەین کۆتایی بگەڕێتەوە بۆسەر کارەکەی و کار بۆ چؤڵكردنی
بینای پەرلەمان و کاراکردنەوەی ئەو دامەزراوەیە بکات".