رۆژنامەیەکی فەرەنسی ئاشکرایکرد، لیۆنێل مێسی تەنها لە سێ مانگدا ٥٢ جار بە فڕۆکە تایبەتەکەی گەشتی ئاسمانی ئەنجامداوە، کە زیاتر لە هەزار و ٥٠٠ تۆن غازی دووان ئۆکسیدی کاربۆنی دەرهێناوە.

رۆژنامەی "لیکیپ"ی فەرەنسی بڵاویکردووەتەوە:" لیۆنێل مێسی ئەستێرەی تۆپی پێی ئەرژەنتینی و یاریزانی پاریس سانجێرمانی فەرەنسی لە ١ی حوزەیران تاکو ١ی ئەیلولی ٢٠٢٢ زیاتر لە ٥٢ جار بە فڕۆکە تایبەتەکەی گەشتی ئاسمانی ئەنجامداوە، ٣٠ گەشتیان کیشوەربڕ بووە و ١٤شیان بەسەر زەریا ئەتڵەسی فڕیوە ".

ئەوەشی خستووەتەڕوو:" مێسی بە گەشتەکانی بڕێکی زۆری لە گازی دووان ئۆکسیدی کاربۆنی لە رێگەی فڕۆکەکەیەوە کردووەتە ژینگە، بەوەش کاریگەری زۆری لەسەر پیسبوونی زیاتری ژینگە هەبووە ".

رۆژنامەکە باسی لەوەشکردووە:" هەر هاوڵاتییەکی ئاسایی فەرەنسی بە ماوەی ١٥٠ ساڵ دەتوانێت بەو ئەندازەیە غازە بخاتە ژینگەوە کە مێسی بە سێ مانگ کردوویەتی ".