بانکی رافیدەین رایگەیاند، بڕی ١٥٠ ملیۆن دینار وەک قەرز بۆ کڕینی خانوو بە هاوڵاتییان دەدرێت.
بانکی رافیدەین لە راگەیەندراوێکیدا ئاماژەی بەوەکردووە:" پێدانی قەرزی ١٥٠ ملیۆن دیناری بەو هاوڵاتییانە دەستیپێکردووە کە دەیانەوێت خانووی پێ بکڕن ".
ئەوەشی خستووەتەڕوو:" سودی دانەوەی قەرزەکە ٤٪ە و بە ماوەی ١٠ ساڵ دەدرێتەوە ".
لە راگەیەندراوەکەدا ئەوەش هاتووە:" پێشکەشکردنی داواکاری بۆ وەرگرتنی ئەو قەرزە لە لقەکانی بانکەکە لە سەرجەم پارێزگاکانی عێراق دەستیپێکردووە ".