پسپۆڕانی بواری تەندروستی ئاشکرایانکرد، کۆمەڵێک خۆراک کاریگەرییەکی زۆریان هەیە لەسەر بەهێزکردنی توانای سێکسی لە پیاواندا.

جێنیفەر بیرمان، پزیشکی خۆراکی ئەمەریکی ئاماژەی بەوەکردووە:" چەندین جۆری ڤیتامین و خۆراک هەن کە راستەوخۆ کاریگەرییان لەسەر بە‌هێزبوونی توانای سێکسی پیاوان دەبێت و دەبێت لە ناو سیستمی خۆراکدا گرنگی پێبدرێت ".

بە وتەی ئەو پزیشکە، باشترین خواردن بۆ بە‌هێزبوونی توانای سێکسی ئەمانەن:

-سپێناخ
سپێناخ دەوڵەمەندە بە مەگنیسیۆم و هەوکردنی دەمارەکان کەمدەکاتەوە، بەوەش جوڵەی خوێن زیاتر دەبێت و هەست بە میزاجێکی باش دەکەیت.

-چوکلێت
خواردنی چوکلێت ئاستی سیرۆتۆنین و دۆبامین لە مێشک زیاد دەکات، ئەوەش وات لێدەکات هەست بە دڵخۆشی و ئاسۆدەیی بکەیت، لەگەڵ ئەوەشدا کاکاو جوڵەی خوێن زیاد دەکات و خوێن بۆ تەواو لەش دەگەیەنێت.

-پیاز
پیاز ماددەی لیکۆبینی دژە ئۆکسیدی تێدایە، ئەو ماددەیەش هەمان کاریگەری ڤیاگرای دەبێت.

-چەرەسات و دانەوێڵە
ناوکی کاڵەگ دەوڵەمەندە بە زینک، کە سودێکی زۆر بە غودەی پرۆستات دەگەیەنێت، چەرەسات،یش بەشێوەیەکی گشتی دەوڵەمەندن بە ترشی ئۆمیگا ٣ و وەک وزە بۆ ئەو هۆرمۆنانە کار دەکەن کە بەرپرسن لە تەندروستی سێکسی.

-هەنار
هەنار ماددەی دژەئۆکسیدی تێدایە و دروستکردنی سپێرم زیاد.

-سیر
سیر رێگری دەکات لە مەیینی خوێن، بەوەش خوێن باشتر دەگاتە بەشەکانی خوارەوەی لەش و پسپۆڕان ئامۆژگاری هاوسەرەکان دەکەن کە ئێواران سیر بخۆن.

-ئومیگا ٣
ئۆمیگا ٣ رێگری دەکات لە گیرانی دەمارەکان، بەوەش خوێن باشتر جوڵە دەکات، ماسی تونەش بە باشترین رێگە بۆ بەدەستهێنانی ئۆمیگا ٣ دادەنرێت.

-مۆز
مۆز سەرچاوەیەکی سەرەکی بەدەستهێنانی بۆتاسیۆمە، بەوەش کاریگەری ئەو خۆراکانە کەمدەکاتەوە کە بڕێکی زۆری سۆدیۆمیان تێدایە.