توێژینەوەیەکی نوێ ئاشکرایکرد، ئەو کەسانەی
لە هەفتەیەکدا یەک تا سێ لیتر خواردنەوە وزەبەخش و گازییەکان و چا و قاوە دەخۆنەوە زیاتر
توشی هەڵوەرینی قژ دەبن.
ماڵپەڕی "العربية" ئاماژەی بەوەکردووە:" بە پێی
توێژینەوەیەک کە لە وڵاتی جین ئەنجامدراوە، ئەو کەسانەی بە رێژەیەکی زۆر خواردنەوە وزەبەخش و گازییەکان و چا و قاوە دەخۆنەوە،
مەترسی قژهەڵوەرینیان بەرێژەی ٤٢٪ زیاترە ".
ئەوەشی خستووەتەڕوو:" خواردنی خواردنە خێراکان و کەمخواردنی سەوزەوات
هۆکارێکی دیکەی قژهەڵوەرینن ".
لەبارەی هۆکارەکەشی باسی لەوەکردووە:" خانەکانی قژ پێویستیان بە
پرۆتین و کاربۆهەیدرات و چەوری بەسودە بۆ ئەوەی بەهێز بن، خواردن و خواردنەوەی
ناتەندروستیش زیان بەو خانانە دەگەیەنن ".