بەڕێوەبەرایەتی کەشناسی هەرێم رایگەیاند، ئەگەر هەیە ئەمڕۆ و سبەی لە
درەنگانی شەودا بەفربارین سەنتەری هەردوو پارێزگای سلێمانی و هەڵەبجە بگرێتەوە.
بەڕێوەبەرایەتی کەشناسی و بومەلەرزەزانی هەرێم ئاماژەی
بەوەکردووە:" ئەمڕۆ ئاسمان هەوری تەواو دەبێت لەگەڵ بارینی نمەباران لە هەندێک
شوێندا، لە کاتەکانی شەویشدا رێژەی دابارین زیاتر دەبێت و لە ناوچە شاخاوییەکان
بەفری لەگەڵدا دەبێت ".
ئەوەشی خستووەتەڕوو:" ئەگەرى هەیە ئەمشەو بەفربارین سەنتەری
پارێزگای سلێمانی و هەڵەبجە بگرێتەوە ".
لەبارەی کەشوهەوای سبەینێ باسی لەوەکردووە:" لە ناوچە شاخاوییەکان
بەفر و باران دەبێت و لەکاتەکانی شەودا ئەگەر هەیە بەفربارین سەنتەری شاری سلێمانی
بگرێتەوە ".