لیژنەی دارایی پەرلەمانی عێراق داوا لە
حکومەتی فیدراڵ دەکات بەزووترین کات پڕۆژەیاسای بودجەی ساڵی ٢٠٢٣یان بۆ رەوانە
بکات.
ئەحمود مزهەر جبوری، جێگری سەرۆکی لیژنەی
دارایی پەرلەمانی عێراق ئاماژەی بەوەکردووە:" بەهۆی تێپەڕبوونی زیاتر لە چوار
مانگ بەسەر پێکهێنانی حکومەت و دوای دیاریکردنی سەرۆکی لیژنەکانی پەرلەمان، داوا
دەکەین بەزووترین کات حکومەت پڕۆژەیاسای بودجەی ساڵی ٢٠٢٣ رەوانەی پەرلەمان بکات ".
ئەوەشی خستووەتەڕوو:" کاتێکی کەم
لەبەردەم پەرلەماندایە بۆ خوێندنەوەی پڕۆژەکە، بۆیە پێویستە پەلە بکرێت لە
رەوانەکردنی، لەبەر ئەوەی پەیوەستە بە دۆخ و ژیانی کەسانی هەژار و خانەنشین و گرێبەست
و چینە جیاجیاکانی گەلی عێراق ".