هەشت مووشەک ئاڕاستەی هێزەکانی تورکیا لە
بنکەی سەربازی زێلکان کرا و بەگوێرەی زانیارییەکانیش، دوو لە مووشەکەکان لەناو
بنکەکەدا کەوتوونەتە خوارەوە.
بەگوێرەی ئەو زانیارییانەی دەست BMC کەوتووە، بەیانی ئەمڕۆ چوارشەممە، هەشت مووشەک ئاڕاستەی بنکەی سەربازی زێلکان لە
ناحیەی باشیکی سەر بە پارێزگای نەینەوا کراوە کە هێزەکانی سوپای تورکیای تێدایە.
باسلەوەشدەکرێت، دوو لە مووشەکەکان لە ناو
بنکە سەربازییەکە کەوتوونەتە خوارەوە و مووشەکەکانی دیکە لە دەوروبەری کەوتوونەتە
خوارەوە، هەروەها هیچ زیانێکی گیانی لێنەکەوتووەتەوە.