یاریزانێکی کۆتدیڤواری لەکاتی یاریکردندا لە ناوی یاریگا
تەندروستی تێکدەچێت و گیان لەدەستدەدات.
یانەی راسینگ ئابیدجانی کۆتدیڤواری ئاماژەی
بەوەکردووە:" مستەفا سیلا، یاریزانی هێڵی بەرگری یانەکەمان لەکاتی
رووبەڕووبوونەوەی یانەی سۆل ئێف سی تەندروستی تێکچوو، بەهۆیەوە کەوتە سەر زەوی و
گیانی لەدەستدا ".
ئەوەشی خستووەتەڕوو:" سەرەتا یاریزانەکە لە ناو
یاریگا توشی تەنگەنەفەسی بوو، دواتر لەکاتی گواستنەوەی بۆ نەخۆشخانە لە ناو
ئامبۆڵانس گیانی لەدەستداوە ".
هاوکات، ئیدارەی یانەکە پرسەنامەیەکی ئاراستەی هاوڕێ و
کەسوکاری یاریزانەکە کرد.