رۆژنامەیەکی ئیسپانی ئاشکرایکرد، سەرباری پێشکەشکردنی
ئاستێکی خراپ بەهۆی پێکانەوە، ئیدارەی یانەی ریاڵ مەدریدی ئیسپانی لەگەڵ ئەوەدان
ئەمساڵیش گرێبەستەکەیان لەگەڵ کەریم بنزیمە نوێ بکەنەوە.
رۆژنامەی "مارکا"ی ئیسپانی
بڵاویکردووەتەوە:" بەرپرسانی یانەی ریاڵ مەدریدی ئیسپانی لەو بڕوایەدان کە
هێشتا کەریم بنزیمەی فەرەنسی و هێرشبەری یانەکە دەتوانێت ئەنجامێکی باش بۆ
یانەکەیان بەدەستبهێنێت و دەیانەوێت بۆ ماوەی ساڵێکی دیکە گرێبەستەکەیان لەگەڵ
یاریزانەکە نوێ بکەنەوە ".
ئەوەشی خستووەتەڕوو:" بنزیمە و ژمارەیەک یاریزانی
دیکەی یانەکە بەمنزیکانە گرێبەستەکەیان لەگەڵ ریاڵ مەدرید کۆتاییدێت و چاوەڕوان
دەکرێت تاکو مانگی داهاتوو چارەنووسیان یەکلایی بکرێتەوە ".
بنزیمای تەمەن ٣٥ ساڵ تاکو ئێستا ٢٢٩ گۆڵی بۆ ریاڵ مەدرید
تۆمارکردووە و لە دوای کریستیانۆ رۆناڵدۆ لە ریزبەندی دووەمی گۆڵکارانی یانەکەیە.