دوای راگرتنی دانیشتنەکانی بۆ نزیکەی هەفتەیەک، لیژنەی دارایی ئەنجومەنی نوێنەران لە دوو رۆژی داهاتوودا کۆدەبێتەوە.
ئەمڕۆ هەینی سەعد عەواد ئەندامی لیژنەی دارایی ئەنجومەنی نوێنەرانی عێراق رایگەیاند:" رۆژی شەممە یاخود یەکشەممە لیژنەی دارایی دەستبەکارەکانی دەکاتەوە، لە ماوەی ئەو دوو رۆژەشدا دەنگدەدات لەسەر تەواوی ماددەکانی پڕۆژەیاسای بودجە".
وتیشی:" لەو کاتەوەی جێگری دووەمی سەرۆکی ئەنجومەنی نوێنەران دانیشتنەکانی لیژنەی دارایی هەڵپەسارد، لیژنەکە کۆنەبووەتەوە، ئەگەریش تانەی حکومەتی هەرێمی کوردستان نەبووایە ئەوا هەفتەی رابردوو پڕۆژە یاسای بودجە تێدەپەڕێندرا".