بەمەبەستی بەسەرکردنەوەی هێزەکانی پاسەوانی
سنووری هەرێمی کوردستان وەزیری ناوخۆی عێراق لەرێگەی فڕۆکەخانەی نێودەوڵەتی
سلێمانییەوە گەیشتە شارەکە.
وەزارەتی ناوخۆی عێراق لە راگەیەندراوێکدا ئاماژەی
بەوەکرد:" عەبدولئەمیر شممەری وەزیری ناوخۆ بە سەرۆکایەتی شاندێکی باڵای ئەمنی گەیشتە شاری سلێمانی و لەلایەن
هەڤاڵ ئەبوبەکری پارێزگارەوە پێشوازی لێکرا ".
ئەوەشی خستەڕوو:" ئامانجی سەردانەکەی
وەزیری ناوخۆ بەسەرکردنەوەی هەردوو لیوای سێ و ١١ی پاسەوانی سنوورە ".
پێشتر، قاسم ئەعرەجی، راوێژکاری ئاسایشی
نەتەوەیی عێراق بۆ تاوتوێکردنی کەمکردنەوەی هێرشەکانی ئێران بۆ سەر ناوچە
جیاجیاکانی پارێزگاکە سەردانی سلێمانی کردبوو.