بابەتە سەرەکیەکە: سەرژمێری كاریگەریی لەسەر ژمارەی كورسییەكانی پەرلەمانی عێراق و  كوردستانیش دەبێت بەجۆرێك كورسییەكانی پەرلەمانی عێراق زیاد دەكات و پەرلەمانی كوردستانیش كەمدەكات.

لێدوانی فەرمی: هاوڕێ تۆفیق، بەڕێوەبەری گشتیی پەیوەندییەكان‌ و رێكخراوە نێودەوڵەتییەكانی عێراق رایگەیاند،  ئەنجامی سەرژمێریی گشتیی ژمارەی كورسییەكانی پەرلەمانی عێراق دەگۆڕێت و بۆ هەر 100 هەزار هاوڵاتییەك، یەك كورسیی پەرلەمان دیاریدەكرێت.

ئەوەشی وت: ژمارەی كورسییەكانی پەرلەمانی عێراق 329 كورسییە، بە پێی ئاماژەکان ژمارەی دانیشتوانی عێراق نزیك دەبێتەوە لە 45 ملیۆن كەس.

زیاتر: بەگوێرەی دەستور، دەبێت ژمارەی كورسییەكانی پەرلەمانی عێراق بەرزبكرێتەوە بۆ 450 كورسیی پەرلەمان.

ئەمەش هەیە: ئەگەر لەماوەی خولی شەشەمی پەرلەمانی كوردستان دەستوری تایبەت بەهەرێم نەنوسرێت‌ و دەنگی لەسەرنەدرێت بێگومان دەبێت بە پێی دەستوری عێراق بڕیار بدرێت.

زیاتر: ئەوکات ژمارەی کورسیەکان دیاری دەکرێت  بۆ شەش ملیۆن‌و 700 هەزار كەس، بۆ نزیكەی 67 كورسی كەم دەکرێنەوە، چونكە دەستورەكە بۆ هەر 100 هەزار دانیشتوویەك كورسیی پەرلەمانی دیاریدەكات.