بابەتە سەرەکیەکە: قوباد تاڵەبانی لێپرسراوی مەکتەبی سکرتارییەتی سەرۆک مام جەلال بەبۆنەی کۆچی دوایی هونەرمەند زاهیر عەبدوڵڵا پەیامێکی سەرەخۆشی ئاڕاستەی خانەوادەی ناوبراو دەکات.

چی وت: بەڕێزان خێزان و خانەوادەی هونەرمەند زاهیر عەبدوڵا بەڕێزان هونەرمەندانی کوردستان زۆر بەداخەوە هەواڵى کۆچی دوایی هونەرمەند زاهیر عەبدوڵام بیست.

ئەمەشی وت: هاوبەشی خەمتانم و پرسەو سەرەخۆشی لەبنەماڵە دڵسۆزەکەتان و هەموو هونەرمەندانی کوردستان ئەکەم.

چی دیکە: کۆچکردوو زاهیر عەبدوڵا هونەرمەندێکی بەئەزموون و ئەکتەرێکی دیاری کوردستان بوو کە جێگە دەستی بە بوارەکانی شانۆگەریی و دراما و فیلمی سینەمایی و چیرۆکی تەمسیلیەوە بەڕونی دیارە.

زیاتر: خواى گەورە لێی خۆش بێت و جێگەی بەهەشت بێت، سەبورى و دڵنەواییش بەهەموو لایەک ببەخشێت.