بابەتە سەرەکییەکە: لە رووداوی ژێرئاو کەوتنی بەلەمێکی کۆچبەران لە رۆژی 28ی ئەم مانگە، دایک و منداڵێکی خەڵکی هەرێمی کوردستان گیانیان لەدەستدا.
سەرچاوە: دەزگای لوتکە بۆ کاروباری پەنابەران بڵاویکردەوە: رووداوەکە لە باکوری دورگەی سامۆس رویدا و تیایدا چوار کۆچبەر گیانیان لەدەستدا، دوانیان خەڵکی هەرێمی کوردستانن و دوانیان خەڵکی ئەفغانستانن.
زیاتر: نایلە محەمەدی تەمەن 36 ساڵ لەگەڵ منداڵە تەمەن 10 مانگەکەی لەو روداوەدا گیانیان لەدەستدا کە خەڵکی هەرێمی کوردستانن و لەگەڵ هاوسەرەکەی بە مەبەستی گەیشتن بە ئەوروپا پەنایان بۆ کۆچی نایاسایی بردوە.
ئەمەش هەیە: تەرمی هەردوو قوربانییەکە دۆزراوەتەوە و خانەوادەکانیان چاوەڕوانی گەڕانەوایەن دەکەن.