Alternate Text

لێرە مێژوو ناخولقێت..!

رێبین عومەر‌ 23/03/2021

ئەوەی کە مێژوو دەخوڵقێنێت.. هەرئەوەش بە رەهایی خاوەنداری راستەقینە لە مێژوودەکات..و بەوە رازی نابێت کە مێژووەکەی بە براوەکانی جەنگ بسپێرێت.. زۆر پاڵەوان وەک شاخ لە دوورەوە دەرئەکەوتن.. بەڵام لە تەنگانەو لەبەردەم شکۆی گەلدا؛ تەپڵکەی خۆڵی دروستکراوی دەستی منداڵێکیش-نەبوون. 
ئەو کەسە براوەیە کە شتێک بۆ بونیادنان و ئۆقرەی و سەربەستی ئەم گەل و ووڵاتە دەکات.. تەسلیم بوون بۆ بەختەوەری و ژیانێکی هاروونی هیچ نییە جگە لە خەونێکی پوچی بێ مێژووی خاڵی لە شکۆمەندی.. منداڵەکان لایەنی کەم کە ئەتوانن دۆو دۆشاو تێکەڵ بکەن لەم سەردەمدا..! لەسەر خۆگرتن و پشوودرێژی  لایەنی کەم رایان-بهێنن.. وەها پەروەردەبکرێن کەلەدوای خۆتان لەباسکردنتانا خاوەندارێتی لە خۆتان و باشەو چاکەو کارەباشەکانی مێژووی رابردووتان بکەن نەک شەرم کەن و مەجلیسەکە چۆڵکەن.. 
کەس بە دۆشکەو بێژنگی گولەو دەرچوون لە سەروەری یاساو ئازاردانی پارێزەرانی ئارامی؛ نەبۆتە پاڵەوانی مێژوو.. 
پۆزش، نەوی بوونەوە بۆ تەرازووی دادگا مرۆڤ-ی راستەقینەو بەهەڵوێست گەورە-دەکات نەک بچووک.