زانیاری دەربارەی دواخستنی كۆبوونەوەی ئەنجومەنی پارێزگای نەینەوا بۆ هەڵبژاردنی جێگرانی پارێزگار ئاشكرادەكرێت.
محەمەد جاسم كاكەیی، ئەندامی ئەنجومەنی پارێزگای نەینەوا لە لێدوانێكدا راگەیاند:" لایەنەكان بۆ هەڵبژاردنی جێگرانی پارێزگاری نەینەوا نەگەیشتنە هیچ رێككەوتنێك".
ئاماژەی بەوەشكردووە:" لەم چوارچێوەیەدا بڕیاردرا كۆبوونەوەی ئەنجومەنی پارێزگای نەینەوا دوابخرێت".
روونیشیكردەوە:" لە كۆبوونەوەی پێشتردا پارێزگاری نەینەوا و سەرۆكی ئەنجومەن و جێگرەكەی هەڵبژێردران".