بەهۆی مەترسییەكانی خزان و بەستەڵەك بوونی چەند رێگایەكەوە، هاتووچۆی سلێمانی هۆشداری بە شۆفێران دەدات.
بەڕێوەبەرایەتی هاتوچۆی سلێمانی لە راگەیەندراوێكدا بڵاویكردەوە:" ئاگاداری شۆفێران و هاوڵاتییان دەكاتەوە لە ئێستادا بەهۆی مەترسی خزان و بەستەڵەك بوونەوە چەند رێگایەك بەربەستكراون تا كاتی ئاسایی بوونەوەی و سەلامەت بوونیان بۆ بەكارهێنان".
رێگاكانیش بریتیین لە:
- رێگای بورجەكە بۆ سەرشاخ.
- رێگای دۆڵەمیران بۆ سەرشاخ.
- رێگای ناسراو بە ئەحمەد گرێدەر بەرەو دۆڵەمیران و شاخی گۆیژەو ئەزمەڕ.
ئاماژەی بەوەشكردووە:" بۆ بەرچاوڕوونی، لە ئێستادا سەرجەم ئەو رێگایانەی لە ناوچە شاخاوییەكانن مەترسییان لەسەرە بۆ شۆفێریكردن و تا دەتوانن سەردانی ئەو شوێنانە مەكەن و بەربەستكردنی ئەو رێگایانەی كە مەترسی تیادایە".
روونشیكردووەتەوە:" لە پێناو سەلامەتی ئێوەدایە و بەهیواین ئێوەش هەماهەنگ بن لەگەڵ تیمەكانی هاتوچۆ تا هەمووان بەدووربن لە هەر رووداوێكی نەخوازراو".