پاش ئەوەی مووچەی بەشێكی زۆری وەزارەتەكان دابەشكرا، كارمەندانی سەر بە بەڕێوەبەرایەتی هاتووچۆی سلێمانی بایكۆتیان شكاند.
بەختیار محەمەد، لێپرسراوی راگەیاندنی هاتووچۆی سلێمانی لە راگەیەندراوێكدا بڵاویكردەوە:" كارمەندانی بەڕێوەبەرایەتییەكەمان بایكۆتیان شكاندووە".
دەوام لە فەرمانگەكەمان ئاسایی بووەتەوە
ئاماژەی بەوەشكردووە:" لە ئێستادا دەوام لە فەرمانگەكەمان ئاسایی بووەتەوە و مامەڵەی هاوڵاتییانش راییدەكەین".
بەهۆی دابەشنەكردنی مووچە و دواكەوتنی بۆ ماوەی 60 رۆژ، زیاتر لە هەفتەیەك كارمەندانی سەر بە بەڕێوەبەرایەتیی هاتووچۆی سلێمانی و ژمارەیەكی زۆر لە بەڕێوەبەرایەتییەكانی دیكە بایكۆتی دەوامیان كرد.