مەكتەبی سیاسی یەكێتیی نیشتمانیی كوردستان لە راگەیەندراوێكدا بۆ رۆژی رۆژنامەگەری كوردی رایگەیاند، كاری میدیا خزمەتێكی گشتی كۆمەڵی كوردەوارییە و شایانی دەستخۆشی و ستایشە نەك دەستگیر و سەركوتكردن.
دەقی پەیامی مەكتەبی سیاسی یەكێتی لە رۆژی رۆژنامەگەری كوردیدا...
لەیادی 162 ساڵەی دەرچوونی یەكەمین ژمارەی ڕۆژنامەی كوردستان لەسەر دەستی روناكبیری دوورە وڵات میقداد مەدحەت بەدرخان لەوڵاتی میسر , پیرۆزباییەكی گەرم دەكەین لەگشت ڕۆژنامەنوسانی كورد لە كوردستان یان لەهەرشوێنێكی جیهاندا كە لێبڕاوانە لە كایەی میدیا وفراوانكردنی ئازادی و دیموكراسیدا خزمەت بە كوردەوارییەكی پێشكەوتوو دەكەن.
ڕۆژی 22 ی نیسان 1898 بەبڵاوكردنەوەی یەكەمین ڕۆژنامەی كوردی دەستپێكی قۆناغێكی نوێی تێكۆشان هاتەكایەوە تا لەو ڕێگەیەوە برەو بە خەباتی داكۆكیكردن لەمافەكانی گەلەكەمان بدرێت.
یەكێتیی نیشتمانیی كوردستان لەسەر هەمان ڕێباز و دیدی سەرۆك مام جەلال بەردەوام دەبێت لە دابینكردنی دوانەی (نان و ئازادی) بۆ ڕوناكبیران ڕۆژنامەنوسانی كوردستان ، هەر ئەم تێڕوانینە وایكردوە هەمیشە یەكێتی لەهەر شوێنێك بوبێت كەشی ئازادی ڕۆژنامەگەری ئازاد بەرفراوانتر بووە.
لەم یادەدا پشتیوانی خۆمان بۆ گشت ڕۆژنامەنوسانی كوردستان دووپاتدەكەینەوە لە دەستڕاگەیشتن بە زانیاری ڕاست و دروست وفراوانكردنی پانتایی ئازادی میدیا لە تەواوی كوردستاندا ، كاری میدیا خزمەتێكی گشتی كۆمەڵی كوردەوارییە شایانی دەستخۆشی وستایشە نەك دەستگیر و سەركوتكردن و ڕامكردنی هەواڵ و زانیاریەكانیان بۆ رای گشتی .
مەكتەبی سیاسی یەكێتیی نیشتمانیی كوردستان