بەهۆی ئەوەی سییەکان رۆڵێکی گرنگ دەبینن لە لەشی مرۆڤدا و کاردەکەن بۆ وەرگرتنی ئۆکسجین و دەردانی دوان ئۆکسیدی کاربۆن، پێویستە گرنگی بە تەندروستییان بدرێت و بپارێزرێن لە ماددە ژەهراوییەکان.

بەگوێرەی راپۆرتێکی ماڵپەڕی " WIO News "، ئەمانە باشترین خواردنەوەن بۆ پاککردنەوەی سییەکان:

-ئاوی لیمۆ:
دەتوانرێت ئاوی لێمۆ بکرێتە ناو کوپێک ئاوی گەرم و لە بەیانیاندا بە گەدەی بەتاڵەوە بخورێتەوە، ئەوەش ئەنجامێکی باشی دەبێت بۆ پاککردنەوەی سییەکان.

-ئاوی سیر:
سیر کۆمەڵێک تایبەتمەندی دژە میکرۆبی تێدایە و سود بە کۆئەندامی هەناسە دەگەیەنێت، دەتوانرێت بۆ ماوەی چەند کاتژمێرێک سیرەکە بخرێتە ناو ئاو و دواتر ئاوەکە بخورێتەوە، بۆ ئەوەی کۆئەندامی هەناسەی پێ پاکبکرێتەوە.

-شەربەتی چەوەندەر
شەربەتی چەوەندەر دەوڵەمەندە بە دژە ئۆکسیدەکان و هاوکار دەبێت بۆ بە‌هێزکردنی سییەکان و کەمکردنەوەی هەوکردن

-چای سەوز
چای سەوز بڕێکی زۆری ماددەی کاتیکینی تێدایە و دژە ئۆکسیدە، بەوەش رێگری دەکات لە هەوکردنی خانەکانی سی.