وەزیری دەرەوەی ئەمریكا رایگەیاند، پێویتسە ئیسڕائیل بەرانبەر كردنەوەی رێڕەوە مرۆییەكان دەستكراوەتر بێت و حەماسیش خێراتر بڕیارە لە بەرانبەر پێشنیارەكانی كۆمەڵگای نێودەوڵەتی.
ئێنتنی بڵێنكن، وەزیری دەرەوەی ئەمریكا لە میانەی بەشداریكردنیدا لە كۆبوونەوەی وەزیرانی ئەنجومەنی هاوریكاری كەنداو لە ریازی پایتەخت رایگەیاند:" هێرشەكانی ئێران ئەو مەترسی و كێشانە دەخەنەڕوو كە ئیچران لە رۆژهەڵاتی ناوەڕاست دروست كردوون، بەڵام رێگایەكیشە بۆ ئەوەی بەشێوەیەكی گشتی دووپاتی یەكگرتووی و كارپێكەوەكردن دووپاتبكەینەوە".
دەبێت ئیسڕائیل رێڕەوی زیاتر بۆ گەیاندنی هاوكارییە مرۆیی و تەندروستییەكان بكاتەوە
وتیشی:" دەبێت بەرپرسانی ئیسڕائیلیش هاوكارێكی زیاتر ئەم دۆخەی ئێستاببن و رێڕەوی زیاتر بۆ گەیاندنی هاوكارییە مرۆیی و تەندروستییەكان بۆ رێكخراوە نێودەوڵەتییەكان بكەنەوە بۆ ئەوەی كۆتایی بە ئابڵوقە مرۆییەكانی كەرتی غەززە بهێندرێت".
حەماس دەبێت خێراتربن لە بڕیاردان بەرانبەر ئەو پێشنیارانەی لەلایەن دەخرێتە بەردەمیان
روونیشیكردەوە:" دەبێت سەركردەكانی حەماس خێراتربن لە بڕیاردان بەرانبەر ئەو پێشنیارانەی لەلایەن كۆمەڵگای نێودەوڵەتییەوە دەخرێتە بەردەمیان، چونكە تەنها ئاگربەست دەتوانێت ببێتە هەوێنی كۆتاییهێنان بەم بارگرژییە رۆژهەڵاتی ناوەڕاست و بە ئازادكردنی بارمتەكانیش حەماس هەنگاو بەرەو ئاگربەست دەنێت".