بە سەرۆكایەتی بێگەرد تاڵەبانی، وەزیری كشتوكاڵ و سەرچاوەكانی ئاوی هەرێم شاندێكی وەزارەتی كشتوكاڵ وسەرچاوەكانی ئاو لەگەڵ جێگری سەرۆك وەزیران و وەزیری دەرەوەی عێراق كۆبوونەوە.
لە كۆبوونەوەكەدا، وەزیری كشتوكاڵی هەرێم داوای پاڵپشتیكردن لە تیمی وەزارەتی كشتوكاڵ و سەرچاوەكانی ئاوی هەرێمی كوردستان و جوتیارانی هەرێم كرد لە پێناو جێبەجێكردنی دادپەروەری لە پرۆسەی بە بازاڕكردنی بەرهەمی ئەمساڵی دانەوێڵەی گەنمی جوتیاران، هاوشێوەی جوتیارانی پارێزگاكانی دیكەی عێراق.
داوای پاڵپشتیش بۆ یەكخستنی رۆژمێری كشتوكاڵی و پاراستنی بەرهەمە نیشتمانییەكان كرایەوە
لەلایەكی دیكەشەوە، لەبارەی چۆنیەتی چارەسەركردنی كێشە هاوبەشەكانی جوتیاران و پەرەپێدانی كەرتی كشتوكاڵ و ئاودێری لە هەرێمی كوردستان تاوتوێكران و داوای پاڵپشتیش بۆ یەكخستنی رۆژمێری كشتوكاڵی و پاراستنی بەرهەمە نیشتمانیەكان لە بەرهەمی كشتوكاڵی و ئاژەڵی و هێلكە و ماسی و پەلەوەر كرا.