جێگری سەرۆكی هەرێمی كوردستان پەیامێكی هاوخەمی بۆ گیانلەدەستدانی چوار شاخەوانەكەی سنووری قەرەداغ بڵاوكردەوە.
جەعفەر شێخ مستەفا، جێگری سەرۆكی هەرێمی كوردستان لە پەیامێكدا بۆ گیانلەدەستدانی چوار شاخەوانەكەی سنووری قەرەداغ بڵاویكردەوە:" بەداخ و پەژارەیەكی زۆرەوە هەواڵی گیانلەدەستدانی چوار شاخەوانم لە سنووری قەزای قەرەداخ لە پارێزگای سلێمانی بیست، بەم كارەساتە دڵتەزێنە لە ناخەوە نیگەران و خەفەتبار بووم".
پرسە و سەرەخۆشی خۆم لە خانەوادە و كەسوكاری قوربانییانی ئەم كارەساتە جەرگبڕە دەكەم
ئاماژەی بەوەشكردووە:" بەم بۆنە خەمناكەوە پرسە و سەرەخۆشی خۆم لە خانەوادە و كەسوكاری قوربانییانی ئەم كارەساتە جەرگبڕە دەكەم، داواكارم لە یەزدانی مەزن بە میهرەبانی و بەزەیی خۆی گیانی قوربانیان بە بەهەشتی بەرین شاد بكات و ئارامیی و دڵنەوایش بە خانەوادە و كەسوكار و ئازیزانیان ببەخشێ".