بە گوێرەى راپرسییەک کە دەزگاى زوغبى ئەمەریکى ئەنجامیداوە، زۆرینەى هاوڵاتیانى عەرەب لە وڵاتە عەرەبییەکان پێیان باشە ئاشتى لەگەڵ ئیسرائیل بکرێت.

 راپرسییەکە ٣٦٠٠ هاوڵاتى عەرەبى وەرگرتووە و پرسیارى ئەوەیان لێکراوە، کە پێىان باشە ئاشتى لەگەڵ ئیسرائیل بکرێت یاخود دژایەتیکردنى ئەو وڵاتە لەلایەن وڵاتە عەرەبییەکانەوە پێویستە، بە پێى ئەو راپرسییە دەرکەوتووە %٥٨ ى هاوڵاتیانى عەرەب ئاشتییان لەگەڵ ئیسرائیل پێ باشە.

ئاماژە بەوەشکراوە، ئەو هاوڵاتیانەى لە راپرسییەکەدا بەشداربوون خەڵکى وڵاتانى میسر، سعودیە، فەلەستین، ئەردەن و ئیمارات بوون و %٥٩ى سعودیى و ئەردەنییەکان هەڵبژاردەى ئاشتیان پی باش بووە لەگەڵ ئیسرائیل، %٦٩ى فەلەستینییەکانیش ئاشتیان رەتکردووەتەوە لەگەڵ ئیسرائیل، بە تێکرا دەرکەوتووە زۆرینەى عەرەبەکان لەگەڵ ئاشتیدان لەگەڵ گەلى ئیسرائیلدا.