لاهور شێخ جەنگی هاوسەرۆكی یەكێتیی نیشتمانیی كوردستان پەیامێكی دەربارەی پەسەندكردنی یاسای پڕكردنەوەی كورتهێنانی دارایی لە پەرلەمانی عێراق و هەندێك لە كاردانەوەكان بڵاوكردەوە.

هاوسەرۆكی یەكێتی لە پەیامەكەیدا جەختدەكاتەوە لەوەی "نابێت رێ بده‌ین كه‌ڵه‌كه‌بوونی هه‌ڵه‌كانی رابردوو، ئاینده‌ی گه‌له‌كه‌شمان بخاته‌ به‌ر مه‌ترسی. بژێوی ژیانی هه‌ر خێزانێكی هه‌رێمی كوردستان، پیرۆزه‌، و‌ ده‌بێت بیپارێزین".

راشیگەیاند نابێت هه‌ڵچوون و داچوون، بمانخه‌نه‌‌ سه‌ر شاڕێی هه‌ڵه‌ی تر، چونكە پێویستە چارەسەر لای سەركردایەتی كوردستان بێت نەك دروستكردنی قەیران.

دەقی پەیامەكەی لاهور شێخ جەنگی هاوسەرۆکی یەکێتیی نیشتمانیی کوردستان:

ختوكه‌دانی هه‌ستی نه‌ته‌وه‌یی، نابێته‌ چاره‌سه‌ر بۆ قه‌یرانی دارایی. نابێت رێ بده‌ین كه‌ڵه‌كه‌بوونی هه‌ڵه‌كانی رابردوو، ئاینده‌ی گه‌له‌كه‌شمان بخاته‌ به‌ر مه‌ترسی. بژێوی ژیانی هه‌ر خێزانێكی هه‌رێمی كوردستان، پیرۆزه‌، و‌ ده‌بێت بیپارێزین.

نابێت هه‌ڵچوون و داچوون، بمانخه‌نه‌‌ سه‌ر شاڕێی هه‌ڵه‌ی تر. سه‌ركردایه‌تی كوردستان، هێوربوونه‌وه‌ و به‌خۆداچوونه‌ی بنچینه‌یی پێویسته‌ بۆ رزگاركردنی ئه‌وه‌ی كه‌ هێشتا ده‌توانین له‌ كوردستانی عێراقدا رزگاری بكه‌ین. نه‌ك قه‌یران، ئه‌بێت چاره‌سه‌ر لای ئێمه‌ بێت.