وەزارەتی خوێندنی باڵا و توێژینەوەی زانستی پۆستی دوو سەرۆكی زانكۆی حكومی بۆ جاری دووەم رادەگەیەنێت.

 وەزارەتی خوێندنی باڵا و توێژینەوەی زانستی لە راگەیەندراوێكدا بڵاویكردەوە:" لە چوارچێوەی ڕێنماییەكاندا، پۆستی دوو سەرۆكی زانكۆی حكومی بۆ جاری دووەم رادەگەێنێت، هەر كەسێك ئارەزووی دەكات و مەرجەكانی تێدایە دەتوانێت لە ماوەی دیاریكراودا (c.v) پێشكەش بكات".

پۆستەكان بریتیین لە:-

- سەرۆكی زانكۆی پۆلیتەكنیكی گەرمیان.

- سەرۆكی زانكۆی ئاكرێ بۆ زانستە كردارەكیەكان.

مەرجەكان بۆ خوازیارانی دوو پۆستەكە:

 -هەڵگری بڕوانامەی دكتۆرا بێت.

-نازناوی زانستی لە پرۆفیسۆری یاریدەدەر كەمتر نەبێت.

-خزمەتی لە (10) ساڵ كەمتر نەبێت.

-خاوەن توانا و شیاوی كارگێڕی و شارەزایی و دەستپاكی و ئەمانەتی زانستی بێت لە كاركردندا.

تێبینیەكان:

 - ئەو بەڕێزەی كە داواكاری پێشكەش دەكات باشترە دید و بۆچون و بەرنامەی كاری خۆی پێشكەش بكات بۆ بەرەوپێشبردنی زانكۆ بۆ ئەو چوار ساڵەی كە پۆستەكەی وەردەگرێت.

- زانینی زمانی ئینگلیزی و شارەزایی لە بەكارهێنانی تەكنەلۆجیای بواری خوێندن و فێركردن و كارایی بڵاوكردنەوەی توێژینەوەی زانستی هەلی زیاتر بۆ پێشكەشكار دەڕەخسێنیت.

- دواكات بۆ پێشكەشكردنی (c.v) و پوختەی ڕاژە كۆتایی دەوامی ڕێكەوتی (21/1/2024) رۆژی (یەكشەممە) دەبێت.

- پێویستە پوختەی ڕاژەی لەلایەن بەرپرسی یەكەمی فەرمانگەكەیەوە واژوو كرابێت.

- ئەو بەڕێزانەی لە جاری یەكەم داواكارییان پێشكەش كردوە پێویست ناكات جارێكی تر پێشكەش بكەنەوە.

- هەر بەڕێزێك ئارەزوی هەیەو مەرجەكانی سەرەوەی تێدا بەدی دەكرێت، دەتوانێ (c.v) و پوختەی ڕاژەی ڕاستەوخۆ لەم بەستەرەی خوارەوە پڕ بكاتەوەو ڕەوانی بكات.