بەڕێوەبەری هاتوچۆی سلێمانی
رایگەیاند، لە رۆژی سێشەممەی داهاتووەوە سەرجەم کامێرا جێگیرەکانی ناو شاری
سلێمانی سەرپێچی تۆماردەکەن.
ئاسۆ محەمەد، بەڕێوەبەری هاتوچۆی سلێمانی لە کۆنگرەیەکی رۆژنامەوانیدا ئاماژەی
بەوەکرد:" سەرجەم ئەو کامێرایانەی لە رۆژی سێشەممەی داهاتووەوە سەرپێچییەکانی
هاتوچۆ لە ناو شاری سلێمانی تۆماردەکەن کۆنن و کامێرای نوێ دانەنراون ".
ئەوەشی خستەڕوو، ژمارەی
کامێرا جێگیرەکانی ناوشاری سلێمانی ٢٣ کامێرایە و لە ماوەی چەند مانگی رابردوودا
بەهۆی کاری رێکخستنەوە لەکارکەوتبوون.
وتیشی، کامێراکانی خاڵ
بۆ خاڵ کە لە رێگەی تاسلوجە دوکان دانراون کاردەکەن و سەرپێچی تۆمار دەکەن.
بەڕێوەبەری هاتوچۆی
سلێمانی باسی لەوەشکرد، ئامانج لە کاراکردنی کامێراکانی تیژڕەوی کەمکردنەوەی رووداوەکانی
هاتوچۆیە.