دەربارەی لێخۆشبوون بۆ سزای شۆفێران بەڕێوەبەری هاتووچۆی سلێمانی روونكردنەوە دەدات.
ئاسۆ محەمەد، بەڕێوەبەری هاتووچۆی سلێمانی لە لێدوانێكدا رایگەیاند:" ئەو شۆفێرانەی سەرپێچییان كردووە و سزایان لەسەرە تا كۆتایی ئەم مانگە پاكتاوی بكەن لێخۆشبوونیان بە رێژەی 20 % بۆ دەكرێت".
ئاماژەی بەوەشكردووە:" هیوادارین شۆفێران بە هیچ شێوەیەك سەرپێچی نەكەن و دووچاری سزانەبنەوە".
ئەوەشی خستەڕوو:" بەرەچاوكردنی دۆخی دارایی هاوڵاتییان سزای هاتوچۆ ناكرێتە دوو هێندە وەك ئەوەی پێشتر ئاماژەی پێكرابوو و بە شێوەی ئاسایی خۆی دەمێنێتەوە".