زیانەکانی زریانەکەی
شەوی رابردووی گەرمیان و پلانەکان بۆ رووبەڕوبوونەوەی ئەو شەپۆلەی ئەمڕۆ دەگاتە
ناوچەکە، ئاشكرا دەکرێن.
چۆمان محەمەد وتەبێژی
ئیدارەی گەرمیان BMC راگەیاند:" تەنها لە ماوەی 24 کاتژمێری رابردوودا نزیکەی 100 ملیم باران لە
سنووری ئیدارەی گەرمیان باریوە و بەوهۆیەشەوە زیانی ماددی بەر چەند ناوچەیەکی و
چەند ماڵێکی هاوڵاتییان کەوتووە، هەروەها ژمارەیەک ئاژەڵ بەهۆی زریان و لافاوەکەوە
مردار بوونەتەوە".
ئاماژەی بەوەشکرد:"
هیچ زیانێکی گیانی تۆمار نەکراوە و بە پشتبەستن بە پێشبینییەکانی کەشناسی هەرێم، چەند
تیمێکی فریاگوزاری لەسەرجەم ناوچەکانی سەر بە گەرمیان دروستکراون و بەردەوام لە ئامادەباشیدان".
وتیشی:" ئەو تیمانە
پێش هاتنی شەپۆلە باران بارینەکە دروستکراون و تاوەکو کۆتاییهاتنی شەپۆلەکە
بەردەوام دەبن لە کارەکانیان".
لەلایەکی دیکەوە
پەیامنێری BMC لە گەرمیان وتی:" بەهۆی لافاو و زریانەکەی شەوی رابردووەوە
چەند پردێک لە سنووری گەرمیان رووخاون و زیان بە چەند پرۆژەیەکیش گەیشتووە کە هێشتا
کارکردن تیایاندا بەردەوامە، هەروەها چەند شەقامێکیش زیانیان بەرکەوتووە".
بەگوێرەی زانیارییەکانی
پەیامنێری BMC رێژەی
دابارین لەماوەی 24 کاتژمێری رابردوو لە ناوچەکانی گەرمیان بەمشێوەیە بووە:
کەلار 85 ملیم
کفری 37 ملیم
خانەقین 2 ملیم
باوەنور 104 ملیم
مەیدان 103 ملیم