وەزارەتی خوێندنی باڵا و توێژینەوەی زانستی دەربارەی پۆستی دوو سەرۆكی زانكۆ زانیاری خستەڕوو.
وەزارەتی خوێندنی باڵا و توێژینەوەی زانستی لە راگەیەندراوێكدا بڵاویكردەوە:" لە چوارچێوەی ڕێنماییەكاندا، هەردوو پۆستی (سەرۆكی زانكۆی گەرمیان) و (سەرۆكی زانكۆی هەڵەبجە) بۆ جاری یەكەم رادەگەێنین".
ئاماژەی بەوەشكردووە:" هەر كەسێك ئارەزوی هەیە و مەرجەكانی تێدایە دەتوانێت لە ماوەی دیاریكراودا (c.v) و داواكارییەكەی پێشكەش بكات، تا ناوی لە لیستی خوازیاراندا تۆمار بكرێت".
پۆستەكان:
- سەرۆكی زانكۆی گەرمیان.
- سەرۆكی زانكۆی هەڵەبجە.
مەرجەكان:
- هەڵگری بڕوانامەی دكتۆرا بێت.
- نازناوی زانستی لە پرۆفیسۆری یاریدەدەر كەمتر نەبێت.
- خزمەتی لە (10) ساڵ كەمتر نەبێت.
تێبینیەكان:
- ئەو بەڕێزەی داواكاری پێشكەش دەكات باشترە دیدوبۆچوون و بەرنامەی كاری خۆی پێشكەش بكات بۆ بەرەوپێشبردنی زانكۆ بۆ ئەو چوار ساڵەی كە پۆستەكەی وەردەگرێت.
- زانینی زمانی ئینگلیزی و شارەزایی لە بەكارهێنانی تەكنەلۆجیای بواری خوێندن و فێركردن و كارایی بڵاوكردنەوەی توێژینەوەی زانستی هەلی زیاتر بۆ پێشكەشكار دەڕەخسێنیت.
- لیستی ناو و ناونیشانی توێژینەوە زانستیە بڵاوكراوەكان.
- پێویستە پوختەی ڕاژەی لەلایەن بەرپرسی یەكەمی فەرمانگەكەیەوە واژوو كرابێت.
- دواكات بۆ پێشكەشكردنی (c.v) و پوختەی ڕاژە كۆتایی دەوامی ڕێكەوتی (29/2/2024) ڕۆژی (پێنجشەممە) دەبێت.
- هەر بەڕێزێك ئارەزووی هەیە و مەرجەكانی سەرەوەی تێدا بەدیدەكرێت، دەتوانێ (c.v) و پوختەی راژەی ڕاستەوخۆ لەم بەستەرەی خوارەوە پڕ بكاتەوەو ڕەوانی بكات.