وەزیری ئاوەدانكردنەوە و نیشتەجێكردن رایگەیاند، ئەگەر
گرفتی پارە و نەختینەیان بۆ دروست نەبێت، تا كۆتایی هاوین پڕۆژەی رێگای سلێمانی-
کەلار تەواو دەكرێت.
دانا عەبدولكەریم، وەزیری ئاوەدانكردنەوە و نیشتەجێكردنی حكومەتی
هەرێمی كوردستان ئاماژەی بەوەکرد:" سەرەڕای ئەو قەیران و ئاڵنگارییانەی رووبەڕووی حكومەت بووەتەوە، توانیومانە رێژەی پڕۆژەی رێگای سلێمانی- کەلار بگەیەنینە 70% و ئەگەر گرفتی پارە و نەختینەمان بۆ دروست
نەبێت، تا كۆتایی هاوین پڕۆژكە تەواو دەكەین ".
لەبارەی پڕۆژەی پردی توەقوت، وەزیری ئاوەدانكردنەوە و نیشتەجێكردن دەڵێت:" بڕیارە لەماوەی 730 رۆژدا كۆتایی پێبهێنرێت،
کە یەكێك بووە لە داواكارییەكانی خەڵكی هەڵەبجە و ئاسانكارییەكی زۆر بۆ بەستنەوەی پارێزگای هەڵەبجە بە سلێمانی و گەرمیانەوە دەكات
".
ئەوەشی
خستەڕوو:" یەكێكی دیكە لە پرۆژەكان كە گرنگییەكەی لە پردی توەقوت كەمتر نییە،
پردی تەنگی سەید محەمەدە، كە بڕیارە ئەمساڵ بخرێتە پرۆسەی تەندرەرینەوە و دواتریش
بخرێتە بواری جێبەجێ كردنەوە ".